✋معلومه_ع_الماشي عن الاقصر واسوان

🌀 كل الكروز ( البواخر ) الاقصر واسوان 5 نجوم بس اللي متعرفهوش ان ال 5 نجوم بردوا مستويات وهيا بتكون ( ستاندر – ديلوكس – الترا ديلوكس ) .
الاستاندر دي اقل حاجه زيها زي ال 4 نجوم في الاصل واعلي منها شويه الديلوكس ودي اقل حاجه ننصح بالاقامه فيها بلاش تنزل اقل من كده وبعدين نيجي للألترا ديلوكس ودي اعلي حاجه واللي هتحس فيها فعلا انك في مستوي محترم طب الفرق في ايه ( الاكل والخدمه والنظافه ) وعشان كده هتلاقي اسعار الرحلات متفاوته بس للاسف معتش في مصداقيه في الشركات كله كاتب ألترا ديلوكس وخلاص وبيتعمد علي ان العميل مش هيعرف الفرق والاسم طالع 5 نجوم وخلاص .

✋ #طب_ازاي_اختار_صح :-
🌀 اسئل كويس وابحث صح في النت علي مستوي النايل كروز اللي ناوي تطلعها في مواقع كتير خاصه بالكروز وفيها صور وفيديوز ومعلومات هامه وكتير متقلقش الموضوع سهل جدا جدا .

🌀 تأكد وانت بتحجز ان غرفتك علي النيل علي طول لان دي اهم حاجه لان في كروزات كتير فيها غرف تحت ومش بتشوف النيل يعني هتتعذب فيها طول اقامتك واحنا طبعا اعدين وقت طويل فيها 4 ايام او 5 ايام ايا ان كان حجزك .

🌀 البوفيه ( دي اهم حاجه ) دايما مشاكل الكروز كلها بتكون في الاكل وياما سمعنا كتير عن مشاكل جامده فيه وده لانهم بيقللوا فيه جدا بسبب السعر القليل وياريت كده وبس ده كمان الطعم سئ بسبب استخدمهم اقل الخامات في الطبخ واسمك نازل في مستوي قال ايه 5 نجوم .

🌀 بلاش يغرك فرق الفلوس الاقل اكيد في حاجه غلط لانك لو بحثت كويس جدا هتلاقي سعر كل درجه بتختلف عن الاخري يعني مستحيل تلاقيهم زي بعض مثلا الاسعار بتتراوح من :-
الاستاندر من 2600 إلي 2850 ج
الديلوكس من 2750 إلي 3000 ج
الالترا ديلوكس 3200 إلي 3500 ج

🌀 أخيرا أطلع مع شركه محترمه تكون معروفه وليها اسم وسمعه وكمان مرخصه سياحه علي الاقل لو في حاجه لاقدر الله تعرف تاخد حقك منها كويس وهتلاقي اللي يقف جنبك .